Gedichte über Gefühle - Seite 2323

Herz mei Herz – i bin so froh,
dass i di einfach spüren ko,
du bist in mir – und schlogst für mi,
drum hör i etz amoi af di.

Du schlogst für mi - moi wuid, moi leise,
auf deine einzigart`ge Weise,
moi klopfst ganz stark – voi Kraft und Muat
moi wieda sanft – des duad sooo guad.

Moi host du deine Türen offn,
Liacht kimmt eine - und lässt hoffn,
moi mach ma`s alle zwoa fest zua
und sogn - etz lassts uns moi a Ruah!
Moi schmerzt und zwickst und drückst ganz doll,
is des – wenns`d schlogst in Moll??

Egal – wos i a immer dua,
du gibst ned auf – schlogst immerzua,
an jed`n Scheiß – machst mit mir mit,
des is echt super - voi da Hit!
Wenn`s moi pressiert, dann hupfst und springst,
wenn i so träum, so vor mi hi -dann singst,
wenn i verliebt bin – klopfst ma bis zum Hois,
bist mei Zuflucht – wenn i nimma weiter weiß.

Herz mei Herz – i bin so froh,
dass i di einfach spüren ko,
du bist in mir – und schlogst für mi,
i hoff – des vergess i nie.
Mia zwoa – mir folgn des Lebens Lauf,
ich mach di etz amoi weit auf:
I gfrei mi – dass du in mir schlogst
und mi mit jedem Schlag – durch´s Leben trogst.

Danke.

© A. Namer