Häsch Zweite gmacht...(in Mundart)

Häsch Zweite gmacht...

Zweite !
Wär isch das scho gärn ?
Tränned doch
Wälte,
mer isch doch so Färn,
vo dem Super-Feeling
de Beschti sy.

Als Zweite
bisch meistens
wäg vom
Fänschter,
Es isch zum verleide,
‘under ferner liefen’
bisch soo wiit vom Sieger.

Bisch Zweite !
Was hätt dänn gfählt ?
Es Millisekünli;
ä paar Pünktli,
äs Referänzli,
scho bisch uf dere Wält
putzt und gschtrählt.

Ewige Zweite ?,
Das wär no heiter !
De hät nu Dussel,
günnt mit Massel.
Doch Du chunsch drus,
und gly bisch Du’s
de mit em Struss !