Heefekiachla

Ein Gedicht von Hans Hartmut Dr. Karg
Heefekiachla

©Hans Hartmut Karg
2017

A oifachs Rezebt fiar faule Leid?
Noi, a Genuss fiar Stearakech!
Denn Kiachla, dia essad alle Leid,
Nix bleibd do iebre, alles isch wegg!

Zäaschd muas ma an Hefedoig macha,
Dear dann dobbld aufganga deff.
Dear kommd nuar endr Wärm zom Lacha,
Brauchd an Prond Mähl ond an Würfl Heff.

Nachdeam dear langsam dobbld so groaß,
Duad man middm Werglholz walza.
Midd'm Rädle schneid ma dann ned zu groaß
Viereggkissa, ned zuggra, ned salza.

Dia losst ma ins hoiße Fedd neigleida,
En da Dopf mit deam Schweineschmalz.
Do wäarads schea braun, miasad ned leida,
Schbrudlad do, wo Godd se erhalds.

Dia schmeggad so herrle, wenn's wara
Leicht abkiald send offm Dällr.
Ond iatzd kommad d'Essr en Schara,
Denn d'r Hongr dreib se ausm Källr.

Kiachla send a Goddesgab
Midd Vanillsoß, zu jedm Kombodd.
Ond wear se an sowas labd,
Deam vergodd jedr Kiachlespott.

*

Informationen zum Gedicht: Heefekiachla

241 mal gelesen
13.10.2017
Das Gedicht darf unter Angabe des Autoren (Hans Hartmut Dr. Karg) für private Zwecke frei verwendet werden. Hier kommerzielle Anfrage stellen.
Anzeige