Hüüt gah ik angeln (Plattdüütsch)

Hüüt gah ik angeln (Plattdüütsch)

Wenn de Klock veermal anseggt hett
Spring ik gau ut mien Bett
Mien Hungerpietsch liggt al up mien Rad
Ik wasch un kämm mie fix un eet noch`n beeten wat
Mien Freesennerz un mien Angelstool
ik gau noch ut`n düstern Keller hol
Nu geit dat loos
De Klock is fief, nu aver ruut hier ut denn Mief
Ach jo de Metten mütten ok noch mit
Kiek gau noch in denn Spegel ob mien Hoot uk sitt
Mook mien Döör dicht
nimm mien Glimmstengel ut mien Gesicht
Pett nu orrig inne Pedoolen
fang an mit mien Rad to kajoolen
Wenig Lüüh unnerwegens sünd
un ik heff ok noch Rückenwind
Ik kaam nu an denn Baggersee dor an
Oje dor sitten schon veer Mann
Denn een stahn de Oogen ganz wiet ruut
de süüt schon wie`n Schellfisch uut
Keen Fisch hett an de Angel beeten
De sünnt jo bannig plietsch de hem jem fix wat scheeten
Ik schmiet mien Angel in dat Water
De Angel böög sich glieks na vöörn
Ik frei mie schon, ik heff dat schietenhild
Verdammt dat is een dodig Kater
De Fisch dee hebt den Braden rooken
de hebt sich all in Schlick verkroopen
Ik pack gau miene sööben Sooken
denn de Fisch laat sich ok nich
mit `n dicken Brummer locken.
Ik glööf dat wie umsünnst hier sünnt
Ik loop einfach rööver ton Fischhööker
un kööp een Kilo Stinnt
Mien Modder de wat sich jo een höögen
weil keen een von uns denn Fisch magg möögen
Eegentlich,find` ik de Fisch bannig nett
Dat neegst Mool
blief ik leever glieks in mien Bett

© Käte Micka

Käti Micka