D'Bergler

Ein Gedicht von Hans Hartmut Dr. Karg
D'Bergler

Manche schauad vom Berg scho nondr,
Manche g'schobad zom Berg no nauf,
Send abr iadzd scho reichle mondr,
Midd'm Handy em Sonnalauf,

Beglüggad dia Berg in däara Weld
Ond schdolbrad iabr Häng ond Bergla,
Hond manchmol iberhaubd koi Geld
Ond so vial Arbad zom Wergla!

Doch schdolz send sia auf iare Berg,
Schdolz auf'd Bsuach ond auf'd Gäschd,
Melgad dia Kia ond machad iar Werg
Ond feirad em Joar viale Feschd.

Jaja, dia Bergler, dia send scho schdolz,
Mäad em Friale iare reiche Wiesa,
Schiarad da Ofa midd deam oigna Holz,
Weil sia emmr Käs mach miaßa...


©Hans Hartmut Karg
2020

*

Informationen zum Gedicht: D'Bergler

352 mal gelesen
06.11.2020
Das Gedicht darf unter Angabe des Autoren (Hans Hartmut Dr. Karg) für private Zwecke frei verwendet werden. Hier kommerzielle Anfrage stellen.
Anzeige